മാന്യരെ,

പ്രിയപ്പെട്ട നാട്ടുകാരേ, നമ്മുടെ എടവക ഗ്രാമപഞ്ചായത്തിന്റെ സമഗ്ര വികസനത്തിനും ജനക്ഷേമ പ്രവർത്തനങ്ങൾക്കും രൂപം നൽകുന്നതിനായുള്ള ഗ്രാമസഭാ യോഗം താഴെ പറയുന്ന അജണ്ടകൾ പ്രകാരം ചേരുകയാണ്. നമ്മുടെ വാർഡിന്റെയും പഞ്ചായത്തിന്റെയും വികസന കാര്യങ്ങൾ ചർച്ച ചെയ്യാനും തീരുമാനങ്ങൾ എടുക്കാനും ഓരോ വോട്ടർക്കും തുല്യ അവകാശമുണ്ട്. നിങ്ങളുടെ നിർദ്ദേശങ്ങളും പങ്കാളിത്തവുമാണ് നാടിന്റെ പുരോഗതി. "നമ്മുടെ നാട്, നമ്മുടെ വികസനം; പങ്കാളിത്തം നമ്മുടെ അവകാശം!" എടവക ഗ്രാമപഞ്ചായത്തിന്റെ വികസന പ്രവർത്തനങ്ങളിൽ സജീവ പങ്കാളികളാകുന്നതിനായി, ഈ ഗ്രാമസഭയിൽ എല്ലാ വോട്ടർമാരുടെയും മഹനീയ സാന്നിധ്യം സാദരം ക്ഷണിച്ചുകൊള്ളുന്നു.

📋 അജണ്ട

1. 2026-27 വാർഷിക പദ്ധതി സംബന്ധിച്ച്
2. 2025-26 വരവ് ചെലവ് കണക്ക് അവതരിപ്പിക്കല്‍
3. ഗുണഭോക്തൃ പട്ടിക അംഗീകരിക്കല്‍
4. ദുരന്ത നിവാരണ മുന്നൊരുക്ക പ്രവർത്തനങ്ങള്‍ സംബന്ധിച്ച്
5. വികസിത് ഭാരത് - ഗ്യാരണ്ടി ഫോർ റോസ്ഗാർ ആൻഡ് ആജീവീക മിഷൻ (ഗ്രാമീൺ) പദ്ധതി സംബന്ധിച്ച് (VBGRAMG)

🔔 പൊതുജന ശ്രദ്ധയ്ക്ക്

• എല്ലാ വീടുകളിലും സ്ഥാപനങ്ങളിലും തങ്ങള്‍ ഉല്‍പാദിപ്പിക്കുന്ന പ്ലാസ്റ്റിക്ക് ഉള്‍പ്പെടെയുള്ള അജൈവ മാലിന്യങ്ങള്‍ തരംതിരിച്ച് എല്ലാ മാസവും ഹരിത കര്‍മ്മസേനയ്ക്ക് കൈമാറി പഞ്ചായത്തിന്റെ മാലിന്യ നിര്‍മ്മാര്‍ജന പ്രവര്‍ത്തനങ്ങളുമായി സഹകരിക്കുക.
• ഗ്രാമപഞ്ചായത്തില്‍ അടവാക്കേണ്ട വസ്തുനികുതി, തൊഴില്‍നികുതി, ലൈസന്‍സ് ഫീസ്, വാടക എന്നിവ സമയബന്ധിതമായി അടവാക്കി സഹകരിക്കണമെന്ന് അഭ്യര്‍ത്ഥിക്കുന്നു.