എടവക ഇനി ക്ഷയരോഗ മുക്ത പഞ്ചായത്ത്

മാനന്തവാടി: ക്ഷയരോഗമുക്ത ഭാരതം പരിപാടിയുടെ ഭാഗമായി എടവക ഗ്രാമപഞ്ചായത്തിന് ക്ഷയരോഗ മുക്ത പഞ്ചായത്ത് അവാർഡ് ലഭിച്ചു. വയനാട് ജില്ലാ ക്ഷയരോഗ മുക്ത ഓഫീസിന്റെ ആഭിമുഖ്യത്തിൽ മുട്ടിൽ ഗ്രാമപഞ്ചായത്ത് ഹാളിൽ സംഘടിപ്പിച്ച ചടങ്ങിലാണ് പുരസ്കാരം കൈമാറിയത്.

എടവക ഗ്രാമപഞ്ചായത്തിനെ ക്ഷയരോഗ മുക്ത പദവിയിൽ എത്തിക്കാൻ അഹോരാത്രം പരിശ്രമിച്ച മെഡിക്കൽ സംഘം, ആരോഗ്യ പ്രവർത്തകർ, ആശാവർക്കർമാർ ഉൾപ്പെടെയുള്ള ഏവർക്കും പഞ്ചായത്ത് ഭരണസമിതി അഭിനന്ദനങ്ങളർപ്പിച്ചു.

കാലവർഷക്കെടുതി ബാധിത പ്രദേശങ്ങളിൽ ഗ്രാമ യാത്ര സംഘടിപ്പിച്ച് എടവക ഗ്രാമപഞ്ചായത്ത്

എടവക: കാലവർഷക്കെടുതി ഏറ്റവും ബാധിക്കുന്ന എടവക പഞ്ചായത്തിലെ ദുരന്ത സാധ്യത പ്രദേശങ്ങളിലൂടെ ജൂൺ 24 ന് എടവക ഗ്രാമ പഞ്ചായത്ത് പ്രസിഡണ്ടിന്റെ നേതൃത്വത്തിൽ ഭരണ സമിതി അംഗങ്ങളും ഉദ്യോഗസ്ഥരും ഗ്രാമ യാത്ര നടത്തും.

ജൂൺ 24 ബുധനാഴ്ച രാവിലെ 10 മണിക്ക് ഒറപ്പ് പുഴയോരത്ത് നിന്നും തുടങ്ങുന്ന യാത്ര ആഗ്രഹാരം, കാക്കഞ്ചേരി, കമ്മന, ചെറുവയൽ കരിന്തിരിക്കടവ്, പായോട് പാണ്ടിക്കടവ് എന്നിവിടങ്ങൾ സന്ദർശിച്ച് ചാമാടി പൊയിലിൽ സമാപിക്കും.

മുൻകാലത്ത് വല്ല പോരായ്മകൾ സംഭവിച്ചിട്ടുണ്ടെങ്കിൽ അത് നികത്തി കൊണ്ട് ഭാവി പരിപാടികൾ ആസൂത്രണം ചെയ്യും. ദുരന്ത നിവാരണ മാന്വൽ പ്രസിദ്ധീകരിക്കുകയും ചെയ്യും.

ഓരോ സ്ഥലത്തെയും പ്രദേശവാസികളും പഞ്ചായത്തിന്റെ വിവിധ സമിതികളിൽ പെട്ടവരും രാഷ്ട്രീയ, സന്നദ്ധ, കലാ, സാംസ്കാരിക പ്രവർത്തകരുടേയും സാന്നിധ്യം അതാത് സ്ഥലങ്ങളിൽ ഉണ്ടാവണമെന്നും സംഘാടകർ അഭ്യർത്ഥിച്ചു.

എടവകയിൽ പൾസ് പോളിയോ വളണ്ടിയർമാരുടെ പരിശീലനം പഞ്ചായത്ത് പ്രസിഡന്റ് ഉദ്ഘാടനം ചെയ്തു

എടവക: ദേശീയ പൾസ് പോളിയോ ഇമ്മ്യൂണൈസേഷന്റെ ഭാഗമായി എടവക ഗ്രാമപഞ്ചായത്തിലെ പോളിയോ ബൂത്ത് വളണ്ടിയർമാർക്കായി സംഘടിപ്പിച്ച പരിശീലന പരിപാടി ഗ്രാമപഞ്ചായത്ത് പ്രസിഡന്റ് ഉദ്ഘാടനം ചെയ്തു.

കുട്ടികൾക്ക് സുരക്ഷിതമായി പോളിയോ തുള്ളിമരുന്നുകൾ വിതരണം ചെയ്യുന്നതിനും ക്യാമ്പയിൻ പൂർണ്ണ വിജയമാക്കുന്നതിനും വളണ്ടിയർമാരുടെ പങ്ക് വളരെ വലുതാണെന്ന് പ്രസിഡന്റ് അഭിപ്രായപ്പെട്ടു.

ആരോഗ്യ മേഖലയിലെ ജീവനക്കാരും ആശാ വർക്കർമാരും അടങ്ങുന്ന സംഘമാണ് പരിശീലനത്തിന് നേതൃത്വം നൽകിയത്.

പഞ്ചായത്തിലെ മുഴുവൻ കുട്ടികൾക്കും പ്രതിരോധ മരുന്ന് ഉറപ്പുവരുത്തുന്നതിനായി വിപുലമായ ക്രമീകരണങ്ങളാണ് എടവക ഗ്രാമപഞ്ചായത്തിൽ ഒരുക്കിയിട്ടുള്ളത്.

ചടങ്ങിൽ വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺമാർ, വാർഡ് മെമ്പർമാർ, മെഡിക്കൽ ഓഫീസർ, മറ്റ് ആരോഗ്യ വകുപ്പ് ഉദ്യോഗസ്ഥർ എന്നിവർ പങ്കെടുത്തു.

ലോക പരിസ്ഥിതി ദിനാഘോഷം നടത്തി